«Реалға» Харри Кейн, Пауло Дибала, Тимо Вернер, Леон Горецка және Давид Алаба келуі мүмкін
Он екі жыл бойы Германия ұлттық құрамасын жаттықтырып келе жатқан неміс маманы корольдық клуб «Реалға» барса қай ойыншылармен қоштасатынын шешті. Йохим ЛЁВ клуб басшылығына ол футболшылардың тізімін беріп те үлгеріпті. Бұл туралы footballhd.ru сайты хабарлады.
«Diario Gol» испандық спорт басылымының хабарлауынша неміс бапкері жазда «Реалды» жаттықтыратынына сенімді. Мадридтік клуб басшылығы Зинедин ЗИДАНДЫ ашық қолдауына Йохим Лёв мән бермеуде. Германиялық жатықтырушы шабуылдағы үштік – Криштиану РОНАЛДУ, Гарет БЭЙЛ, Карим БЕНЗЕМАНЫ көргісі келмейді. Ал хорват Лука МОДРИЧПЕН жаңа келісім шарт жасауға ықласты екен. Лёв мадридтіктердің шабуылында Харри КЕЙН, Пауло ДИБАЛУ және отандасы Тимо ВЕРНЕРДІ көргісі келеді екен. Жуырда «Шалькеден» «Баварияға» ауысқан жас талант Леон ГОРЕТЦКАНЫ да «Реалға» тартқысы келеді. Сондай-ақ, Давид АЛАБАНЫ қорғаныста, ал Тибо КУРТУАНЫ қақпашы ретінде қарастырып отыр.
Қырық бес жастағы француз Зинедин Зидан «Реалға» 2016 жылдың 4-қаңтарында бас бапкер болып тағайындалды. Бұрыңғы атақты ойыншы бапкер ретінде де бірталай жетістіктерге жетті. ЧЛ, Европа суперкубігі мен Испания суперкубігін де жеңіп алған. Ал оның орнына келеді деп отырған Йохим Лёв «Фрауэнфельд», «Штутгарт», «Аданспор», «Тироль» сынды Еуропадағы орташа командаларды жаттықтырған. Ал ұлттық құрамамен жеткен жетістіктері жетерлік. Соңғы өткен әлем біріншілігінде Лёв шәкірттері чемпион атанды.
Неміс бапкері керек етпей тұрған бес дүркін «алтын доп» иегері Криштиану Роналду ПСЖ-ға ауысады деген ақпаратты news.sportbox.ru интернет басылымы жазған еді. Қазір мамандар 32 жастағы португалиялық ойыншының дәуірі өтіп бара жатқанын жиі айтады.
Фото: essentialhommemag.com.
