«Жұлдызды» Instagram жаңалықтары
@sultankyzy Қоғамдағы әйел тақырыбын қозғап, арнайы кітаптар шығарған Ләйла Сұлтанқызы енді зергерлік бұйымдарды жарнамалайтын болады. Бұл туралы ол инстаграм бетіндегі парақшасында жария етті. «Расында @premiera_jewwllery-дің екі брендінің Debeers және YANA- ның амбассадоры болдым. Ерекше құрмет, рақмет! Әдемі дүниелер таба аласыздар»-деді ол өзі жарнамалайтын оқа- жүзіктерге жарнама жасап. Ләйла ханымның бұл бастамасын оқырмандары жылы қабылдап, табысқа жетуіне тілек білдірген. Бір әттегені- Ләйләның төсін көрсеткені кейбір әпке- сіңлілеріне ұнамаған. Солардың бірі kuralay.zh деген атпен тіркелуші: «Өзгеге ұқсамайтын өзіндік ерекшелігіңізбен сізді ұнатамын. Талғамда талас жоқ. Десек те жалаңаштанбайтын қалпыңызда көргім келеді. Имиджіңізді өзгертпеңіз. Сізді сол үшін құрметтеймін!»-деп, ағынан жарылыпты. Мұндай пікірлерден соң қорытынды шығару Ләйланың өзіне байланысты.
@kair_n Әнші қайрат Нұртас жары Жұлдыз Әбдукаримовамен бал айын Мальдив аралында өткізді. Екі жас шаңырақ көтергендеріне он жыл толған қуаныштарын әппақ құмның үстінде атап өтуді жөн көріпті. Әдемі демалыстарынан өз парақшасына бейнежазба салған Қайрат көпшілікті сүйсіндірді. Жазбада белгілі болғандай екі жұп қара нәсілділердің алдында ақ қағазға қол қойып жатады. Мұны көрген Жұлдыз бен Қайраттың тыңдармандары әншіні екінші рет некесін қидырғанға балап, қос ғашыққа бақыт тіледі.
«Әрдайым жанымда шыдамдылығыңмен, ақылдылығыңмен, сабырлығыңмен, махаббатыңмен күш бердің жаным. 10 жыл бұрын армандаған арманыма, жарыма берген уәдемді орындағаныма Аллаға шүкір! Бұл дүниедегі бар байлығым да, бақытым да отбасым. Жаратқан жәннатқа кіруді нәсіп етсін. Мен сені сүйем, Джули!» -деп жазды Қайрат.
@toregalitortali Жуырда Төреғали Төрәлінің «Шаруам жоқ» атты әніне түсірілген жаңа бейнебаяны жарыққа шықты. Туынды «Той думан» арнасынан көрсетіледі. «...Менің тәрбием- менің сана сезімім. Әкем мен анамның берген тәрбиесінде кеткен ағаттық жоқ, ағайын! Қайратым тасып, қарусыз жараласам жастығым деп қабылдаңыздар. Тілім тиексіз болғанымен, түбім тексіз емес. Тентектігімді тексіздікке теңемеңіздер. Ай жоқ жерде көзге түскен балалығымның шалалығы ғой. Бала Төренің төрелігін берген бауырларында, шала Төренің «Шаруасы жоқ» ағайын...»-деп жазды әнші түсірген бейнебаянына түсініктеме беріп. Аталмыш әннің сөзін Қайнар Алагөзов, ал әнін Мақсат Жәутіков жазған.
Мұны көрген оқырмандардың бір бөлігі Төреғалидың шығармашылығына жеміс тілесе, енді біреулер бұл қылығын тыңдарман сыйламағанға жатқызған. razakova_a есімді желі қолданушысы: «Бұл өлеңді айтқанша, «Халқым кешір еркеңді» деген өлең мен клип шығарғаның жөн болар еді. «Кіші болсаң, ұлық боласың» деген қазағым» -деп әншіге ақыл айтқан.
