Scopus орталығы ғылыми құндылығы жоқ ғалымдар журналдарынан құтылды
Жойылып кеткен журналдарда еліміздің көрнекті ғалымдарының мақалалары тұрақты түрде шығып тұрған.
24 қантарда lsevier баспасы Scopus ғылым базасында жыл сайынғы тазарту жұмыстарын жүргізді. Өткен жылы 299 басылым жойылса, биыл бақандай 424 ғылыми журнал құрдымға кетті.
Қазақ авторлар арасында International Journal of Environmental and Science Education атты журнал аса танымал болған (Қазақстандық авторлардың 200 мақаласы осында жарияланған). 2017 жылы бұл журнал Scopus базасынан жойылды.
Кейін отандық ғалымдар Man in India журналына көшіпті. Мұнда ресейлік және қазақстандық ғалымдарының жарық көрген жұмыстары, үнді ғалымдар мақалаларынан әлдеқайда көп. Мысалы, 2017 жылы үнді ғалымдары 88 мақала жарияласа, ресейліктер 327, ал қазақстандық ғалымдар 116 мақала жариялаған.
Алайда бұл журналдың да ғұмыры ұзақ болған жоқ. 2018 жылы Scopus Man in India басылымының жұмысын тоқтатты.
Айта кетерлік жәйт, мұндай ғылыми журналдарда басылу тегін емес. Ғалымдар міндетті түрде беделді басылымдарда ғылыми мақала жариялап туруы тиіс. Бұл міндетті оларға университет немесе кез келген ғылыми институт қояды. Man in India секілді басылымдар пайда табу үшін жұмыстарды тексерістен өткізбей жариялай береді.
Осындай басылымдарда жұмыстары жарияланған ғалымдар арасында танымал тұлғалар аз емес.
