«Қолжетімді баспана – 2020» бағдарламасы жүзеге аспай халық өз қаражатына баспана салып жатыр
Қызылордада «Қолжетімді баспана – 2020» бағдарламасы аясында салынып жатқан 35 пәтерлі бес тұрғын үйдің құрылысы тұралап қалды. Жұмыстың аяқсыз қалуына 2015 жылы орын алған төтенше жағдай себеп болды болды дейді мамандар.Облыс орталығындағы «Шұғыла» мөлтек ауданында орналасқан үйлердің бетон жабындысы құлап, бір азамат қирандылардың астында қалып қойған болатын. Орын алған жағдайға байланысты қылмыстық іс қозғалып, сот процесі жүргізілді. Нәтижесінде қосалқы мердігер болып табылатын «Ердани К» компаниясы кінәлі болып танылып, лицензиясынан айырылды. Ал, учаске бастығы болған азамат 2 жыл бас бостандығынан шартты түрде айырылған еді.
«Құрылыстың бас мердігері «Дәнекер» мекемесі болатын. Біз құрылысты әуел баста бекітілген жоба негізінде жүргізген болатынбыз. Кейіннен бұл жобаның қате жасалғанын мемлекеттік және тәуелсіз сарапшылар дәлелдеді. Алайда, бұл жәйтқа назар аударған ешкім болмады. Сот процесі кезінде көптеген дәлелдерді келтірдік. Алайда бізді кінәлі деп тапты, Біз жоба бойынша жұмыс жасағанымыз үшін айыпты болып қалдық. Негізінен тергеу дұрыс жүргізілген жоқ», - дейді «Ердан и К» компаниясының директоры Нұрлан ОСПАНОВ.
«Қазіргі таңда құрылыс бойынша қоршау және тіреу жұмыстарына жоба жасалынып жатыр. Құрылыс «Береке» ЖШС-нің теңгеріміне өтті. Құрылыстың тоқтап тұруының басты себебі, кезінде жасалынған жоба-сметалық құжаттарына қайтадан сараптама жасалынып жатыр. Сарапта оң қорытындысын бергеннен кейін, құрылыс аяқталатын болады», - деді Қызылорда облыстық мемлекеттік сәулет – құрылыс басқармасының бас маманы Амантай ҰЗАҚБАЕВ.
Уақымды «Қолжетімді баспана-2020» бағдарламасы 2012 жылы баста алып, сол үшін арнайы «Жол картасы» әзірленген болатын. Былтырғы жылғы мәлімет бойынша Қызылорда облысында 26 мың адам тұрғын үй кезегінде тұр екен. 2017 жылдың соңғы он айында облыс халқының өз ақшасына баспана салу көрсеткіші 18 пайызға өскен.
Фото: abctv.kz, автордікі.
