Мәскеу түбінде ұшақ апатынан қаза тапқандардың арасында қазақстандықтар жоқ, деп хабарлады ҚР СІМ.
«Алдын-ала мәліметке сәйкес, Ресейдің Мәскеу аймағында құлаған Ан-148 ұшағының жолаушыларының арасында Қазақстан азаматтары болған жоқ. Ресейдегі дипломаттарымыз жергілікті қызметтермен үнемі байланысып, жағдайды бақылап отыр. Біз осы ұшақ апатынан қайғылы қайтыс болғандардың барлығына қайғырып көңіл айтамыз», - деп хабарлады ҚР Сыртқы істер министрлігінің ресми өкілі Әнуар Жайнаков.
Естеріңізге сала кетейік, қазақстандық дипломаттар қазақстандық азаматтардың апатқа ұшыраған лайнерде болғанын анықтауға тырысқан. Кейінірек Орск әкімшілігінде алдын-ала деректер бойынша қаза тапқандар арасында бір қазақстандық болуы мүмкін деп хабарлады.
Естеріңізге салсақ, 11 ақпанда 6W703 рейсіндегі «Саратов әуе жолдары» Ан-148 ұшағы апатының салдарынан 71 адам қаза болды. Ұшақ Аргуново ауылының маңында өзінің қай жерде екендігі туралы сигнал беруді тоқтатты. Лайнер Мәскеу уақыты бойынша сағат 13.57-де (16.57 аст.) Домодедоводан ұшып шыққан. бортында 65 жолаушы мен экипаждың 6 мүшесі бар әуе кемесі Орск қаласына бағыт алған.
Ресей президенті Владимир Путин ұшақ апатын тексеру үшін арнайы комиссия құруды тапсырды. Қылмыстық іс қозғалды.
Авиаапат адам өлімдерінің көптігі бойынша тарихтағы ең үлкен апат деп танылды.
Қазақстан президенті Нұрсұлтан Назарбаев Мәскеуге ұшып келе жатқан ұшақтың апатқа ұшырауынан адамдардың қаза болуына байланысты Ресей президенті Владимир Путинге көңіл айту жеделхатын жолдады.
