Қарағанды облысының тұрғыны банкпен соттасып, жеңіске жетті
Өткен аптаның соңында сайтымызға Ақтөбеліктер Ratel.kz арқасында сотта жеңіп жатыр деген мақала жарияланған болатын. Ол жерде Ақтөбе облыстық сотына 2017 жылдың басынан бері 888 талап-арыз түскендігі жазылған. Қала халқы екінші дәрежелі банктер несие беру кезінде қарыз шоттың жүргізу үшін ұстаған ақшаны қайтаруды талап еткен. Сот түскен шағамдырдың 445 қарап, бәрінде қанағаттандырған.
Несиені рәсімдеу және оны жүргізу банктің жекелеген қызмет түрі емес. Заңда ондай қаржылық операция түрі қарастырылмаған. Сондықтан заңсыз комиссияға төлеген ақшаны банк қайтару керек деген ұйғарым шыққан. Осы мақаладан кейін редакциямызға Қарағанды облысы, Ақтоғай елді мекенінен Серікхан ЖҰМАБЕКОВ есімді оқырманымыз хабарласты.
Ол кісі 2016 жылы қазан айында Ratel.kz-те «Казахстанские банки незаконно наживаются на клиентах» атты жарияланған мақаланы оқып өзі несие алған банк үстінен сотқа шағым түсіріп, сотта жеңіп шыққан.
«2013 жылы 1-маусымда екінші дәрежелі банктердің бірінен 60 айға (5-жылға) 1209000 тенге қаржылай несиені баспана сатып алу мақсатында алдым. Несиенің келісім шартында жылында 15 пайыздық үстемақы және ай сайын несие сомасының 0,7 пайызы, яғни ай сайын 9100 тенге несиеге қызмет көрсеткені үшін төлеп отыру керектігі көрсетілген.Ол кезде біз бұның заңсыз екенін білген жоқпыз. Келісім шартқа қол қойдық. Әлеуметтік желіде жарияланған Ratel.kz сайтына шыққан Ақтөбе қаласының соты Айна АБДРАЕВАНЫҢ сұхбаты арқылы несиеге көрсетілген қызметке банктердің ақша алуы заңсыз екенін білдім. Аталмыш банкті Қарағанды қаласындағы аудандық сотқа бердім. Сот шешімі бойынша жеңіп шықтым. Алайда банк бұл шешімге қанағаттанбай мені облыстық сотқа берді. Десек те аймақтық сот аудандық соттың шешіміне қарсы келмей мен тағы да жеңіп шығып. Банктен 400 400 соманы қайтарып алдым. Ratel.kz ұжымына рақмет айтқым келеді», - дейді өз хатында Серікхан Жұмабеков.
Серік Жұмабековтың шағымын 2017 жылы 11 сәуірде Қарағанды қаласындағы №2 Қазыбек би аудандық сотынының судьясы Шегенов Е.М қараған. Судья банк пен клиент арасындағы келісім шарттың «b» пункітін жарамсыз деп тапқан. Яғни несиеге қызмет көрсеткені үшін және қарыз шотты жүргізгені үшін алынған банк комиссиясы заңсыз деп танылған.
