Еліміздің басым бөлігін қыспаққа алған суықтың қайтатын түрі жоқ
Дәл қазір Астанада сынап бағанасы минус 40 градусқа жуық.
Ал, синоптиктер қыс әлі де қаһарлана түседі дейді. Енді аяз еліміздің оңтүстік өңірлеріне түспек. Сондықтан Қазгидромет тұрғындарды суық ауа райына дайын болуға шақырды.
Соңғы күндері әлеуметтік желілерде қақаған аязға байланысты қызықты жазбалар жариялануда. Олардың арасында әзіл-шыны аралас, сондай-ақ, жантүршігерлігі де бар.
Қатып қалған ит
Видео авторының айтуынша, Астанада ит аяз кезінде жүріп келе жатқан жерінде қатып қалған.
Аяқ киімін отпен жылытуда
Тағы да бір назар аударарлық видеожазба. Kaztwiitter есімді танымал Instagram парақшасында белгісіз біреу аяздан қатқан аяқ киімін от атқышпен жылытып жатқан сәті түсірілген.
Аяздан қорқатын біз жоқ: билейміз, қыздар!
Астаналық бір топ қыздар қақаған аязда жеңіл киініп, көшеде биге басқан. Қыздардың бұндай қылықтарын Insta көрермендер құптамай, үйлеріне барып, жылынуды ұсынды. «Ертең менингит болып ауырасындар, болашақ анасыңдар ғой. Қалай түсінбейді?», - деп наразылығын білдірді оқырмандар.
Астаналық «Титаник»
1 бөлім
2 бөлім
Вайнерлер қытымыр аяздың тақырыбынан тыс қалмаған. Кеше әлеуметтік желілерде әйгілі «Титаник» фильмінің астаналық нұсқасы тарап кетті.
Астанадан жұрт кетіп жатыр ма?
23 қаңтарда ZTB.kz сайтының Instagram парақшасында жарияланған видеожазбада белгісіз темір жол вокзалында болған жағдай көрсетілген. Адамға лық толы кешкі вокзалда жұрт поезд жолына қарай ығысуда. Қолданушылар бұл астананың аязына шыдамаған басқа өңір тұрғындары үйлеріне қайтып жатыр, деп пайымдады.
Ескере кетейік, жарияланған видеолар нақты қай жерде, қай кезде түсірілгені белгісіз.
Фото: total.kz.
