Қаз   Рус

«Боратшылдарға» рақмет айту керек

340 қаралды
0
Қанат ТІЛЕУХАН
Вторник, 14 Ноя 2017, 16:20

Астананы жалаңаш күйде жарнамалаған чехтарға турист ретінде қарайық

10 қараша күні Астанада ЭКСПО автотұрағында жартылай жалаңаш суретке түскен алты шетелдік турист ұсталды. Орталық Европадағы Чехиядан келген  туристер «Бораттың шомылу киімі» аталып кеткен купальникте болған. Олардың суреттері әлеуметтік желілерді ғана емес, қырғыз, ресей сайттарында да шарлап кетті. Митинг, акция, флешмоб бола қалғанда жедел атқа қонатын полицейлер арқаның желінде жалаңаштанған еркектерді де Астанада тайраңдатып қоймаған.

Астана ІІБ-нің баспасөз хатшысы Софья ҚЫЛЫШБЕКОВА чехиялық алты азаматтың үстінен «ұсақ бұзақылық» бабы бойынша іс қозғалғанын жариялап үлгерді. Әкімшілік сот әр шетелдікке 10 АЕК көлемінде айыппұл салыпты. Әлеуметтік желі қолданушыларын жаңа жыл қарсаңында Борат болып киініп келген чехиялықтар  дүрліктіріп жіберді. Бір жағынан ойлайсың, арқаға қыстың ерте келетіні рас, алайда жаңа жылға дейін әлі уақыт бар емес пе? Бәлкім, жаңа жылға ерте қамданып, шырша орнатудан жарысқа ерте түсіп кететін біздің елге чехиялықтар асыққан шығар. Тәуелсіздік күнінен бұрын «елка» мерекесіне даярланатынымызды біліп, шырша айналуға келді ме екен?

Читайте также
Қазақ жігіттері Ресейде ерекше сұранысқа ие

Жоғарыда біртүрлі киінген меймандарымыз әлеуметтік желідегі жұртты дүрліктірді дедік қой. Мәселен Instagram желісінде оларға салынған айыппұлды аздық етіп, «мойындарына ондаған миллион теңгені артып жіберу керек еді» дегендер болды. 

Өз басым бұндай қонақтарға репрессиялық айыппұлдарымызды көрсетпегеніміз  дұрыс деп ойлаймын. Керісінше, қонақжайлығымызды көрсетейік. Біз қонақжай едік қой.

Еуропалық қонақтардың ғаламторды шарлап кеткен суретіне мұқият көз салыңызшы. Алтауы да тура Борат сынды жасыл түсті купальник киіп алған. Шаш қойыстары да Борат Сағдиевке  келеді. Демек, 2006 жылы прокатқа шыққан Барон КОЭННЫҢ киносы бізге әлі жарнама жасап тұр. Иә, жарнама жасап тұр. Айтпақшы, бұл менің сөзім емес. Бір кездегі Сыртқы істер министрі Ержан ҚАЗЫХАНОВ: «Сашаның киносы шыққалы бері виза алушылар көбейді, көлемі 10 еседен асты. Ол біздер үшін үлкен жетістік!» - деген еді. Ал кейбір депутаттар сол киноға қарсы қанша майдан ашқанымен Қазақстанда бұл фильмге ресми түрде тыйым салынбаған-ды.

Демек, қазіргі күні АҚШ-та елші болып отырған Ержан Қазыханов айтқан туристердің бір тобы осы чехтар. Орташа есеппен алғанда, олар Астанаға келіп кету үшін шамамен 10 мың АҚШ долларын жұмсап отыр. Экономикалық дағдарыс кезінде бұл аз ақша ма. Қазынаға ақша түссе болғаны. Бұндай туристерге арнап  символикалық айыппұлды ойлап шығару керек. Мысалы, 180 теңге. Осылайша,  туристердің  легіне тоқтау қоймаймыз. 

Әрине, «Қазақты қайта масқаралады. Бұған қалай төзуге болады? Атымыздың тұяғы Рим қақпасына барған көшпенділердің ұрпағы күлкіге қалғаны қалай? » деп үстел тоқпақтамай, шыдамдылық танытқанымыз жөн. Ашу-ызамызды алыстағы Саша Коэн бастаған, алты чех қостаған шетелдіктерге емен, Қостанайдағы  «бір қап көмір ісіне»  төгейік. Қостанайдың Ұзынкөл ауданында бір қап көмір ұрлағаны үшін бір бейбаққа 180 теңгеге залал келтірді деп іс қозғалыпты. Абырой болғанда, екі жақ келісімге келіп, судья істі тоқтатқан. Айтпақшы, бірер айдан бері БАҚ-ы Қазақстанның кейбір аймақтарындағы көмір тапшылығы мен оның бағасының шарықтап кеткенін жазып келеді. Бәлкім, еуропалық алты мейман ЭКСПО деп аста-төк той жасаған Қазақстанның жылусыз отырған халқының жайын I LOVE ASTANA жазуының жанына жартылай жалаңаш барып білдіргісі келді ме екен?! 

Фото: Informburo.kz

Журналист
– Бір ел - екі тіл едік. Енді "Бір ел - екі әліпби" болатын сияқты.
Дело «чёрных старателей» – КНБ vs МВД
- Вы бы летом туда приехали, сразу после задержания начальника полиции. по ночам вся степь от прожекторов сияла раскопки шли вовсю
13 лет на линии: ночной автобус № 3 остаётся надёжной альтернативой такси в Алматы
- Отдуши, оставили. 3 маршурут ,ведь этот маршурут многим экономит денги для тех кто ночию работают особенно молодеж ,ведь они. Рабоьают с фери обслужвание до последнего клиннта всякие бары кафе рестораны и другие всякие работы.
ЕНПФ объяснил, как работа в странах ЕАЭС учитывается при назначении пенсии
- Почему промолчали про учет стажа работы между государствами ЕАЭС до 1 января 1998 года, в договоре про это тоже написано. Или боитесь огласки, что в РК этот пункт договора игнорируют? А ну да, вы же пишите по материалам пенсионного фонда, а там этот пункт договора военная тайна... :)
В Алматы начат снос незаконного рынка Жетысу-Семиречье
- Такой хороший рынок,не надо ездить далеко на барахолку, можно все, практически все найти на этом рынке - вещи, продукты, стройматериалы, бытовую технику и т.д. Жаль если он тоже уйдет под снос.
Хроники Верного. "Секретные материалы" из старой папки
- Да, эта папка имеет огромную ценность. Я потомок из этой семьи, очень много конечно утеряно в советское время информации. Папа говорит что старики наши шепотом о тех временах говорили. Ушли те кто мог бы поведать всю историю семьи, а в воспоминаниях папы только фрагменты тихих разговоров. Хотелось бы посетить архив в Алматы и соединить не достающие фрагменты. Спасибо за то что с таким теплом поведали нам историю семьи Шахворостовых. Вера