Жабылған халықаралық журналға шыққан еңбектер авторларын ғылыми дәрежеден айырмайды
Қазақстан ғалымдарының еңбектері шығатын шетелдік журналдардың бірнен соң бірі жабылатынына Білім және ғылым министрлігі алаңдай қойған жоқ.
Бейсенбі күні 1-ші ақпанда БҒМ-нің ғылым комитеті төрағасы Болатбек АДРАСИЛОВ қазақ ғалымдарының еңбектері үнемі шығып тұрған журналдарды Scopus базасының алып тастағанына байланысты өз пікірін білдірді. Комитет басшысының айтуынша, ведомство халықаралық ғылыми метрикалық базалармен белсенді түрде жұмыс жасайды.
- Scopus я болмаса Elsevier болсын. Біз тағы да ғылыми метрикалық базасы бар Springer баспасымен тығыз жұмыс жасаймыз. Және Clarivate Analytics – бұл барлық журналдар тіркелген база. Мен ғалымдарымызды жарияланған еңбектерін айтқанда әңгіме тек мойныдалған журналдар хақында болды, - деді комитет басшысы.
Сондай-ақ, Болатбек Абдрасилов ол журналдардың (International Journal of Environmental and Science Education, Man in India) бір, екі-үш жыл істеп жабылуы қалыпты жағдай екендігін де айтты. Бұл басылымның өз ерекшілігі болып табылады екен. Алайда, бұл басылымдар базаға енбейді екен. Енсе де аз уақытқа ғана дейді шенеунік.
Elsevier баспа компаниясының ақпаратына сүйенсек базадан 424 журналды өшіріп тастаған. 2013 жылдан бері қазақ ғалымдары еңбектерінің үштен бірі халықаралық болғанымен ғұмыры қысқа ғылыми журналдарда жарияланып келе жатыр.
- PhD докторы атағын берумен бізде басқа комитет айналысады. Олар осы үш базаның редакция алқасымен тығыз байланыста жұмыс жасайды. Сондықтан да ол жерде қандай да бір мәселе бар деп ойламаймын, - деді Болатбек Абдрасилов.
Сонымен қатар, Білім және ғылым министрлігі қаптаған ғалым депутаттар мен шенеуніктердің докторлық жұмыстарына бас қатырмайды екен. Олардың диссертациясын тексеруге ықласты емес.
- Плагиат бойынша тексеру біздің министрліктің жұмысына кірмейді. 10-15 жыл бұрын жазған біреудің еңбегін алып тексере алмаймыз. Қазір қорғалайын деп жатқан ғылыми еңбектер ұрлық дүние емес деп міндетті түрде тексеріледі, - деді комитет басшысы.
2016 жылы ресейлік «Новая газета» басылымы Мемлекеттік дума депутаттарының ғылыми еңбектеріне байланысты тергеу жүргізді. Ресейлік депутат-ғалымдардың 51-нің еңбегі ұрлық дүние болып шыққан. Кейбірі ғылыми атағынан айрылды.
