Экологтар тексеріс барысында шетелдік компанияның нормадан тыс қоршаған ортаны ластағанын анықтаған
Қарағанды облыстық экология басқармасы «АрселорМиттал Теміртау» кәсіпорнында тексеріс жүргізіп, жуырда соның қортындыларын шығарды.
-Тексеріс барысында бірталай заңды бұзғандары анықталды. Осыған орай, 105 млн және қоғамға келтірген залал үшін 495 млн теңге айыппұл салынды. Ескертулер мен қайта қалыпна келтіру жұмыстары тағы бар. Әр қайсысына тиісті уақыт берілген, - дейді облыстық экология басқарма бастығының орынбасары Әлібек БЕКМҰХАМБЕТОВ.
«АрселорМиттал Теміртау» компаниясының өкілі қалдықтардың нормасы басты назарда отырғанын айтады.
- Егер осыдан 20 жыл бұрын комбинат жылына 80 000 тонна шаңды сырқа шығарса, бүгінгі таңда 24 000 тонна. Өндірістің санитарлық аумағында үш қадағалау тұрағы бар, - дейді «АрселорМиттал Теміртау» компаниясының атқарушы директоры Вадим БАСИН.
Салынған айыппұлдар қаладағы қара қарға еш қатысы жоқ дейді мамамандар. Өткен аптада Теміртау қаласының әкімі жауған қардың бірден қарайып кетуін анықтауды экологтарға тапсырған болатын. Осыған орай құрылған жұмыс тобы он күнен кейін қортынды есеп берулері тиіс. Облыс басшысы да мәселені өз назарына алыпты.
- Күнделікті режимде жұмыс жасаңыздар. Құрылған топ келесі аптада нақты себебі мен оның шешу жолы жайлы ақпарат алып келеді деп күтемін. Бұл ақша санайтын жағдай емес, керісінше адамның денсаулығы тұр бұл жерде, - деді облыс әкімі Ерлан ҚОШАНОВ.
Метеорологтар қара қардың болу салдарын, желтоқсан айы бойы желдің болмауынан болуы да мүмкін деген тұжырымды жоққа шығармайды. Себебі, осы айда желдің жылдамдығы 2м/сек аспаған.
Қала тұрғындары болса шетелдік компаниядан шығатын зиянды қалдықтар туралы ақпарат қол жетімді болуы тиіс дейді. Осыған орай қол жиып жатыр. «АрселорМиттал Теміртау» компаниясына тексеріс теміртаулықтардың шағымынан кейін жүргізілген. Халық Теміртауда бұрын-сонды бұндай қара қар көрмедік дейді. Жуаған кір ашылмайды және мазуттың иісі кетпейді екен.
