Жарты жылдан бері еңбекақыларын алмаған қаладағы 1-ші және 7-ші аурухана жұмыскерлерлі мәселені осылай шешпек болған
Бүгін Алматыда «Қалқаман» ықшамауданындағы нөмірі 7-ші және 1-ші аурухананың күзетшілері ереуілге шықты. Елуге тарта жұмысшы жарты жылдан бері еңбекақыларын ала алмапты. Наразылық білдірген жұмысшылардың айтуынша,Елбасы ауылының атымен аттас «Үш қоңыр» күзет компаниясының басшылығы да мән-жәйді түсіндірмейді екен. Компанияның жұмысшыларға түсіндірмейтін де жөні бар. Себебі күзетшілер жұмыс беруші жақпен келісімшартқа отырмапты.
«Жаздың екінші айынан бері жұмыс жасап келемін. Маған 200 мың теңге қарыз. Алда жаңа жыл. Жігіттердің барлығында отбасы бар. Мерекені қалай қарсы аламыз? Бастықтар шыдаңдар деп, жарты жыл уәдемен алдап келді. Әуелі арамыздағы бір жігітке несие алдыртып кейбір күзетшілердің айлығын бергізген»,- дейді Ратель тілшісіне өзін Берікпін деп таныстырған күзетші.
Күзетшілердің айтуынша, «Үш қоңыр» күзет мекемесі Алматының өзінде отыздай нысанға қызмет көрсетеді екен. Құжат бойынша мекен жайы Жұбанов көшесіндегі нөмірі 80 үйде орналасқан. Алайда, тілшіміз оларды аталған жерден таба алмады. Компанияның жарнамасы ғаламторда болғанымен ол жереде де мекен-жайы, байланыс нөмірлері жазылмаған. Аурухана басшылығы еңбекақы дауына қатысымыз жоқ дейді. Нысанды күзетуді тендер арқылы ұтып алған мекемеге тиісті қаражатын беріп тұрған екен.
«Тендер ойнатқанда тек компанияның аты ғана тұрады. Біз осы уақытқа дейін айына 987 млн аударып отырдық. Қазір қарызымыз жоқ. Келесі жылдан бастап ол компаниядан (Үш қоңыр) бас тартамыз», - дейді нөмірі 7-ші аурухана бас дәрігерінің орынбасарықаржы және экономика сұрақтары бойынша орынбасары Айнұр АХАНОВА.
