Экс-министрдің сот ісіндегі фигурант 2 млн доллар пара беруге мәжбүрлеудегі өзінің болжамын айтып берді
Қазақстан Республикасы ұлттық экономика экс-министрі Қуандық БИШИМБАЕВТЫҢ ісі бойынша фигурант - «Шымкентхиммонтаж» ЖШС-нің негізін қалаушы Жақсылық ИСАБЕК - сотта 2 млн. доллар пара беруге мәжбүрлеудегі өзінің болжамын айтып берді деп жазады ҚазТАГ.
Айыпталушының айтуы бойынша, Қ.Бишімбаев одан астаналық ресторандардың бірінде 2 миллион АҚШ долларын талап еткен.
«Ол (К. Бишімбаев - ҚазТАГ) жобаға қатысқыңыз келсе, осы жобаға қол қоюға қатысты кейбір міндеттемелер бар деді. 2 млн. доллар беру керек. Мен бүгінгі күні осындай қаражатым жоқ, бірер уақыт ойлану керек деп жауап бердім. Ол маған уақыт жоқ деп айтып, «иә» немесе «жоқ» деп айту керек, себебі егер «жоқ» болса, онда басқа компания болады деді, мен бес минут ішінде шешім қабылдадым, «иә, қатысамын, бірақ маған уақыт керек» дедім. Сөйтіп қалыстық», - деп түсіндірді Ж. Исабек бейсенбі күнгі сот отырысында.
Өз кезегінде К.Бишімбаевтың адвокаты, Ж.Исабек мырзаның 1 млрд 215 млн теңгеден қанша ақша алғанын сұрады.
«Мен білмеймін», - деді компанияның негізін қалаушы.
Прокурор Әлібек АЙТЖАНОВТЫҢ Ж. Исабектен 2 миллион долларды қандай мақсатқа бердіңіз деген сұрағына ол, «бұл келісімшартты жасағанда болды» дей келіп, ҰЭМ экс-министрімен оның арасы шиеленісті болғанын айтты.
«Кейін Бишімбаевтың қамқорлығы болмады, ештеңе болған жоқ. Ол маған қарсы көзқарас танытты, барлық кеңестерде бізде қарым-қатынасымыз өте шиеленісті болды», - деп түсіндірді Ж.Исабек.
Сонымен қатар, Қ.Бишімбаевтың айтуынша, ол зауыт құрылысында кідірістерге байланысты Шымкенттегі «Шымкентхиммонтаж» ЖШС-нің шыны зауытын салуға мердігермен келісімшартты бұзуды талап етті.
«Шыны зауытында жұмыс барысында мен құрылыс қарқыны туралы кезекті кездесулер өткіздім. Мен берген барлық кездесулер мен тапсырмалар есіңізде ме? Сіз Orda Glass Ltd -мен сізбен келісімшартты бұзу туралы нұсқаманы қай жерде айтқанымды есіңізге түсірдіңіз бе, себебі сіз құрылысты кешіктіріп жатырсыз, және бұл ұсыныс хаттамада көрсетілген», - деді Қ. Бишімбаев Ж. Исабектің сот отырысында сөйлеген сөзінде.
Ж.Исабек осындай хаттаманың шынымен қабылданғанын растады.
«Ия, шынымен, сіз ескерттіңіз, біз кешігіп жатырмыз дедіңіз, сіздің компанияңыз қешігіп келеді дедіңіз. Осыған байланысты, Бишімбаевтың атынан «Шымкентммонтаж» ЖШС-мен келісімшартты бұзу туралы мәселе (нұсқаулық - ҚазТАГ) қаралды», - деп келісті ол.
Қылмыстық іс 50-ден астам томнан тұрады. Қ.Бишімбаевпен бірге «Бәйтерек» девелопменттің» 7 лауазымды тұлғасы қылмыстық іске тартылып отыр.
Тергеу болжамынша Қ.Бишімбаев «Бәйтерек» ҰАК» АҚ-ның бастығы (2013-2016 ж.ж.)болып жұмыс істеген кезде мекемеге тәуелді «Orda Glass» ЖШС-нің және оның мердігер «Шымкентхиммонтаж» ЖШС-нің көмегімен Қызылордадағы парақ шыны өндіру және өңдеу зауытын салу бойынша қылмыстық схеманы ұйымдастырды.
